13 නිවාස හා ගෟහ සැළසුම් අතීතයේ පමනක් නොව 1960 ගනන් වලද එනම් 1948 නිදහස ලද පසුද ගමේ ගෙවලින් තරමක් අතමිට සරැ අයගේ ගෙවල තාප්ප බිත්තියෙන් බැඳ පොල් අතු වහලයෙන් නිමව තිබිනි. අනෙක් ගෙවල වරිච්චි හෝ කටුමැටියෙන් ඉදිවින. එමෙන්ම බිමට මැටි අතුරා ඒමත මැටි සමග දියකල ගවයන් ගේ ගොම ආලේප කළහ. මෙම ගොම මැටි ගෙබිම විශබීජ නාශකයක් ලෙසද ක්රියා කරන බවද පැරැන්නන් විශ්වාශ කලහ.මෙවන් තත්වයකට හේතුව වන්නට ඇත්තේ එවකටද අපේ ගමේ ස්කෝල මහත්වරැ නොහොත් පාසැල් ගුරැමහතුන් හා අනෙකුත් රාජ්ය සේවකයන් සිටියේ කිහිප දෙනෙකු වීමත් අනෙක් ගම්වැසියන් ගොවිතැන පමනක් කළ අය විමත් නිසාය.ගොවිතැන නොකල සමහරැන් වඩුවැඩ,පෙදරේරැ වැඩ,හරකුන් එළුවන් ඇති කිරීම ආදී ආදායම් මාර්ග වල යෙදුනාහ. එමෙන්ම ගොවිතැනට උගත්කම අවශ්ය නොවු බැවින් පාසැල් ගියේ තරමක වත්පොහොසත්කම් ඇති පවුල් වල දරැවන් පමනක් බවද අතීත තතු පෙන්වා දෙයි.එසේම අතීතයේ රජමැදුර හැර අන් ගෙවල කපරාදු කර සුදු හුණු ආලේප කිරීම තහනම් වු බව පැරණි පොතපතෙහි සඳහන්ව ඇත. අපේ ගමේද ගෙවල් තනන අය වුහ.තාප්ප බැම්ම,වරිච්චි හා කටුමැටි ආශ්රිතව නිවාස ඉදි නරන්නට ඔවුන්ට මනා දැනීමක්ද විය.අද මෙන් උපකරනද නොතිබු
• අතීතයේ ගම් වලට සීමාවන් පැනවීමේදී නිශ්චිත වු ක්රමවේදයක් පැවතුන බවට සාධක හමුනොවේ.ඒ අනුව සොයා බලන විට වෑබඩමුල්ල ගමද කුඹල්ඔළුවට අයිතිව තිබු ගමක් බවට සාක්ෂි හා සාධක තිබේ.රජවරැන්ගේ පාලන සමයේ විවිධ කාර්යයන්ට බෙදා වෙන් කර තිබු පවුල් හා ගම් පිළිබඳව සොයා බලන විට එය සනාථ කරන සාධක හමුවන්නේය.• සකල කලා වල්ලභ රජතුමා ප්රාදේශීය රජෙකු ලෙස රාජ්යය කළේය.එතුමන් කාවන්තිස්ස රජතුමන් ගේ බිසවකගේ පුතෙකු බව සඳහන්වේ. රජවත්ත නම් ග්රාමය ගැනද .එතුමාගේ-රාජධානිය-වුමිනුවන්ගොඩ රාජධෘනිය ගැනද පැරනි ශ්ලෝක හා කාව්ය වල කියවේ. එම කාව්යයන් වෙබ් අඩවියෙන් අසන්නට හැකියාව ඇත.• කුඹල්ඔළුවට සොබා දහම්න් ලැබුන සම්පතක් වන වළන් මැටි මැටියෙන් තනන සියළුම දේ වන හැළිවළන් ඇතලි වැනි ගෟහ භාණ්ඩද මල් බඳුන් වැනි විසිතුරැ භාණ්ඩද මුර්ති නිපදවීමේ කළා කටයුතු වලටද යොදා ගැනේ. මැටි ලබා ගන්නා වළ අඩි 05 ක් පමණ ගැඹුරට කැපිය යුතුය. උඩවු පස් තට්ටුවට යවින් රොන්මඩද ඊලඟට වැලිද ඒසමග තද අළු පැහැතිවළන් මැටි හමුවේ.• මෙම මැටි ගොඩගසා දින දෙකතුනකින් ගෙන යලි තුනී කොට ගල්වැලි ඉවත් කර .තලමින් පදම් කල යුතුය. එසේ පදම් කලවිට එය මෟදු බවට හැරෙන අතර ඉන්පසු සකපෝරැවේ ආධාරයෙන් භාණ්ඩ සෑදිය යුතුය. එසේ සාදන ලද භාණ්ඩ දර අවුළුවන පෝරනුවක තැන්පත්කර දර අවුළුවා වසා තබා ගින්නේ පිළිස්සෙන්නට හැරිය යුතුය. එසේ නිමවු භාණ්ඩ වල නවුන් සුවඳක් හා ලා රතු පැහැති මතුපිටක් දැකිය හැකිය.භාණ්ඩ වර්ණවත් කරන්නේ එම මතුපිට තීන්ත ආලේප කිරීමෙනි. නුතන තාක්ෂනය උපයෝගී කර ගනිමින් මැටි පදම් කිරීම හා පිලිස්සීම ගැන මැටි කර්මාන්තය නම් ලිපියේ විස්තර කර ඇත.• අපේ ගමට ආසන්න වු ගම වන වෑබඩමුල්ල ගමද අතීතයේ සිටම කුඹල් කර්මාන්තයේ යෙදෙන ගමකි.අදද එහි මැටි කර්මාන්තයේ යෙදෙන පවුල් සංඛයාව 25 ක් පමන වන බව කියවේ.ලංකා රජය මගින්ද ඔවුනට අවශ්ය පහසුකම් ලබා දුන්නද එය සාර්ථකව ඉදිරියට ගෙන යාමට එම පහසුකම් ප්රමානවත් නොවන බවද ඔව්හු අප සමග කීහ.අතීතයේ මෙන් මැටි ලබා ගැනීමේදී ආසන්න ගම් වලින් අවසර නොලැබීමද ඔවුනට ඇති ගැයළුවක් වන්නේය.• කෙසේ වෙතත් අතීතයේ සිටම කුඹල් වැඩ කරන අයගේ නිජබිම වනුයේ වෑබඩමුල්ලයි. එදත් අදත් ඔවුන් වාසය කරන්නේ එම ගමමය. අදද එවන් ගෟහ උපකරන එම ගම්වැසියන් නිපදවති. • හළලිය නම - හල යනු හැළු-ඉවත්කල-විසිකල අරැත දෙයි ලිය යනු ස්ත්රීයයි.(ගැහැනිය) ඒ අනුව හැලූ-ලිය අරැතින් හළ + ලියක් නිසා , හළලිය වන්නට ඇතැයි කියවේ. • විළඉස්මත්ත නම මෙහෙමයි- .එසේම විල හෝ වෙල ඉහලින්(ඉස්මත්ත කියන්නේ ඉහල යන අරැතටය) පිහිටා ඇති ගම- විලඉස්මත්තේ ගම විය.• වේරගොඩ නම මෙහෙමයි-මැටි කපා වෙහෙරක් සේ ගොඩ ගැසු බැවින් එම ගම වේහෙර-ගොඩ - වේරගොඩ විය.• මොට්ටුන්න මෙහමළු- මොටවු -උන පඳුරැ .නිසා මොට්ට වු-උන -මොට්ටුන්න විය.• පහලගම - ස්වභාවයෙන්ම මේ ප්රදේශය පහත්ය. පහල පිහිටි ගම යන අරැතින් පහලගම විය.• දෙල්ගහ මැඩිල්ල - ගමට යන පාර තිබුනේද පන්සල්වත්තේ වු දෙල්ගහ ලඟවු කමත අසලිනි.පාරේන් පන්සල් වත්තට පිවිසෙන තැනම ඇලකි.ඇල ලඟ කොටස මැඩිල්ල වේ.දෙල්ගහ ලඟවු මැඩිල්ල හරහා එම ගමට පිවිසිය යුතුය. එමනිසා දෙල්ගහ ලඟ+ මැඩිල්ල =දෙල්ගහ මැඩිල්ල විය. • සාමාන්යයෙන් හරකුන් ලවා ගොයම් පෑගවීමේදී කමතක් භාවිතා කෙරේ. කමත යනු සමතලාවු පොළොව මතවු බිම් කොටසක් ශුද්ධධ පවිත්ර කර ජලය ඉස මඩකර සකසා ගන්නා හිස් බිමකි.එහි හරිමැද හරකුන් බැඳීමට අවශ්යවු කණුවක් සිටුවන අතර සමහර විට පොල් හෝ වෙනත් ගසක් වටා ශුද්ධ කර එය කමත ලෙස සකසා ගන්නේය.ඉහත කතාව අනුව එම කමත සකසා ගෙන ඇත්තේ පදල්ගසක් වටා ශුද්ධකර සකසා ගැනීමෙනි.(ගොවිතැන ලිපිය බලන්න ) •
Popular posts from this blog
11 අතීතයෙන් තව පිටුවක් කුඹල්ඔළුව නම්වු ග්රාමීය මාතාව ගේ අතීත සත්ය සිද්ධීන් සමහර විටක එතරම් රසවත් නොවන්නට පුළුවන.එහෙත් ගම නැගුනහැටි කියනවිට ඒවාද වැදගත් වන්නේය.බෙහෙතක් තිත්ත වුවද එය ගුණදායකය.අතීතයද අනාගතයට වැදගත්ය.ඒ සමහර ඒවා යලි සිදු නොවිය යුතු බැවිනි. රාජසිංහ රජුගේ කෟරත්වය ඇහැලේපොළ කතාවෙන් කියවේ.වඩුග නායක්කර් වංශිකයෙක්වු ඔහුගේ පාළනය අවසන් කරන්නට ලක්දිවට ආ විදේශිකයන්ට රටෙහි බලය ලබාදුන්නා විය හැකියයි සිතන්නටද සාධක තිබේ.අද වුවද තමන් නුරැස්සන නායකයන් එලවා දමන්නට අනෙක් වාර්ගිකයන් ගේ සහය පතන දුර්වලයන් නිසා ඇතිවන ගැටළුතත්වයන් දකින්නට හැකිබව ගම්පුවත් දක්වයි. 1800 ට පෙර ඉංග්රීසි පාළණය තිබු කාළයේ කුඹල්ඔළුව ගමද අන්ගම් මෙන් මාර්ග පහසුව අහිමිවු හා ග්රාමීය සම්පත් නගා සිටුවීමේ ක්රියාවලියක් නොතිබු ගමකැයි ගම්පුවත් පෙන්වා දෙයි. 1815 දී ඉංග්රීසි රජය ගත් සුවිශේෂී පියවරවල් රැසක් ගම්මාන වල තත්වය තරමක් වෙනස් කරන්නට ඇත.එසේම එය අධ්යාපනය මාර්ග ආදියෙහි වෙනසක් වන්නට මග පෑදුවේය.ඉංග්රිසින් මාර්ග තැනුවේ ඔවුනගේ අවශ්යතා වලට වුවද ගම්මාන වල පිබිදීමකට එය මුල් විය.සුවිශේෂී වු පිරිසකට ඉහළ තන
6 කවියක් සිල්වත් හිමිවරැන් බෙදනා දහම අම කමතේ වෙලේ කව් සීපද ඇසුනු බිම සිංහලහාලෙ බත ඉදෙනා ගෙයක හැම සුන්දර කුඹල්ඔළුවයි මා උපන් ගම ( ආර්.පී.කරැණාරත්න ) සීමා කළත් ගම දීඇල්ලේ ඔයකින් සීමාවුනේ නෑ කුඹුරට එහි ජලයෙන් ඉපදුන නිසා මිනිසත්කමලැබ පිනකින් මටමගෙමව වගෙයි මේගම බැඳුන සිතින් (නාල්ස් ) 17 ගමේ ගොවිතැන හා වෙහෙස නිවු ගී සීපද කුඹුර සෙවන ලද තැනක් නොවේ.එහි වැඩ කරන විට හිරැ රැස තදින් සිරැරට වැටෙයි.දෙපය තරමක් සිහිල් වුවද කුඹුරැ වැඩ වෙහස කරය.වපුරන විට හානවිට සිරැරම මඩෙන් නැහැවෙන්නේය.නෙළන විට දෙපය ජලයේ ගිළුනද අන් සිරැරට තද හිරැරැස් පීඩා කරන්නේය.එහෙත් කිසි විටෙක හිරැට දොස් පවරන්නේ නැතුවා සේම හිරැ දෙවියන් හා සමානව ගෞරවයට ලක් වන්නේය. අතීත ගොවිතැන හා සත්ව පාලනය කුඹල්ඔළුවේ ගම්වැසියන්ගේ ප්රධාන ජීවෝනාපාය වුයේ වී ගොවිතැනයි. එයට උපකාරීවු හා පහසුවෙන් ඇති කලහැකිවු සතුන්ද ඇති කරන්නට ඔවුන් පෙළඹුනහ.එවකට අද මෙන් මස්හෝ මා
Comments
Post a Comment