අපි අපේ ගමවු කුඹල්ඔළුව ගම්මානය ගැන නිරතුරැව ලියන්නයි අදහස් කරන්නේ-ඔබටත් පුළුවනි එයට එකතුවන්න.ඔබ ගමගැන ලියු පොත කියවුවානම් විස්තර දන්නවා ඇති.ඒත් දැන් ගම වෙනස් වෙලා.ඉඩකඩම් පුංචි වෙලා.පවුල් සංඛ්‍යාව වැඩිවෙලා. අපේගමේ දරැවන්ට උපකාර කරන්න අපි විවිධ මාර්ග අනුගමනය කරනවා.අපට අද පත්වෙලා ඉන්න මන්ත්‍රිතුමිය කොකිලා ගුනවර්ධන මැතිනියත් අපට ආසන්නවු චරිතයක් නිසා එතුමියත් අපට උපකාරවේයයි අප විශ්වාශ කරනවා. එහෙනම් අන්තර්ජාලයට යන ඔබත් සතියකට වතාවක් හරි කුඹල්ශළුව වෙබ්පිටුව කියවා බලන්න වගෙම අළුත් තොරතුරැ එවන්නත් පහත ලිපිනය හා දුරකතන අංකය භාවිතා කරන්න. අපේගම අනිත් ගම්වලට වඩා වෙනස් දියුනු ගමක් කරන්න නම් අප එකතුවෙලා මෙය කරන්නම ඔන නේද ? දුරකතනය- 0755229367,ඊමේල් අංකය- kumbaloluwa@gmail.com මම නාල්ස් නිශ්ශංක- ඔයාලට හුරැ පුංචි මිනිහාමයි. ඔයාලගෙ දරැවන් ඉංග්‍රිසි හා ගණිතයෙන් දක්ෂයන් කරන්න මා සැකසු උපකාර පොත් ලබා ගන්න. පළමු වසර සිට 11 වසර දක්වාම සකසා ඇතිනිසා කතාකරල ගෙන්වා ගන්න.ගාස්තුව මුද්‍රණ වියදම පමනයි.පොත් සකසන්න උපකාරවු මහත්ම මහත්මීන් ගැනත් මම ඉදිරිලිපියෙන් කියන්නම්. දරැවනටම කියවන්න ලි...
අපේ ගමේද ගෙවල් තනන අය වුහ.තාප්ප බැම්ම,වරිච්චි හා කටුමැටි ආශ්‍රිතව නිවාස ඉදි නරන්නට ඔවුන්ට මනා දැනීමක්ද විය.අද මෙන් උපකරනද නොතිබු එවන් අවදියක ගංවතුරකින් හෝ විනාශ නොවන ලෙස ශක්තිමත් ලෙස ගෙවල් තැනුහ. පොළවේ ස්වභාවය අනුව අත්තිවාරම යොදා තවත් ශක්තිමත් වන්නට පහතට කයියෝරැවක්ද හදමින් අඩි 25 ක් පමන උස බිත්ති බැඳ නිම කලේ .නිකරම පදම් කල මැටියෙනි. එවන් පැරනි නිවාස අදද අපේ ගමේ දකින්නට තිබේ.මෙවන් නිවාස වල සාලය,ඉස්තෝප්පුව,නිදන හා කෑම කාමර,මුළුතැන්ගෙය හා කුස්සියක්ද වෙයි. මෙවන් ගෙවල් තැනු ශිල්පීන් කවරදාකවත් පාසැලකට ගිය හෝ අකුරක් උගත් අයද නොවේ.භුමි තාක්ෂනය නිවාස තාක්ෂනය ගැන ඔවුන් තුලවු දැනුම හා පුහුනුව අද නුතන තාක්ෂනයටද අභියෝග කරන්නේය. උපකරන නොමැතිව ගෙය තනන්නට ඔවුන් සමත් වුහ.පස් කොටා ජලයෙන් (වතුරෙන්) මිශ්‍ර කොට පයින් තෙරපමින් පදම් කර දින දෙකක් තැම්බෙන්නට වසා තබති.ඉන්පසු ඒවා ගුලි කරන්නේ බෝල ලෙසය. එම මැටි බෝල නිසි අයුරින් පේලියකට අඩුක් කරමින් හිස් තැන් මැටියෙන්ම වසමින් තාප්පය නිම කරති.ඉන්පසු ජලය බැස ගොස් ශක්තිමත් වන්නට දින දෙක තුනක් තබා යලි පියවරෙන් පියවර තාප්ප බැම්ම ඉහල නංවති. මේ අයුරින් තනන ගෙවල් වසර දෙතුන් සියයකට වඩා ආපදාවක් නැතිව පවතින බවට අප දැක්වු නිවාසම සාක්ෂියක් වන්නේය. එවන් කුඹල්ඔළුවේ සිටි ශිල්පීන් අද ජීවත්ව නැතත් ඔවුනට උපහාරයක් ලෙස නම් සඳහන් කරන්නෙමු. ඒ මැටි- ඒබරන් ,තෝමස්, යන ශිල්පීන් වේ. එවන් නිවාස කපරාදු කර හුණු හෝ කිරිමැටි දියකර ආලේප කර වැඩ අවසන් කරති.අපේ ගමේද 1960 ගනන් වලද ගෙවල වහලය පොල්අතුම විය. එවකට හිංගලඋළු සෙවිලි කලේ නිළතල හා බළතල තිබු තරමක ධනවතුන් පමනෙකි.අන් අය තමන්ගේ අය වුවද පහත් කොට සලකන දුර්වල ගතිපැවතුම් ඔවුනට වු බවට සාක්ෂි තිබේ.නුගත් හා අසරන ගැමියන් වහළුන් කොට ගෙන තම අභිලාෂයන් ඉටුකරවා ගැන්මටඔවුන් කටයුතු කළහ.කෙසේ වුවද බොහෝ දෙනා කෙසේ හෝ වහලයට උළු සෙවිලි කරන්නට පෙලෙඹුනේ පොල්අතු වහලය නිසා ඇතිවන කරදර වලක්වා ගැනීමටය. අදද අපේ ගමේ එවන් පරන තාප්ප ගෙවල් දැක ගත හැකිය. එම පැරණි ක්‍රමය යටතේ ගොඩ නැගුන හා චිතුපට කිහිපයකටද එක් වු විදානෙඅත්තා නමින් හැඳින්වෙන මහතෙකුගේ නිවසක ජායාරෑපයක් අප මෙහි ඇතුලත් කළෙමු. 
Comments
Post a Comment